PNoy, napangiti daw sa balitang engagement nina Shalani at Rep. Romulo 前女友結婚 總統一笑置之

MANILA – Ngumiti lang umano si Pangulong Benigno “Noynoy" Aquino III nang ipaalam dito ang balitang engaged na ang kanyang ex-girlfriend na si Valenzuela Councilor Shalani Soledad kay Pasig Rep. Roman Romulo.

“Nakangiti naman siya," kwento ni presidential spokesperson Edwin Lacierda nang tanungin ng Malacanang reporters kung alam na ba ni Aquino ang napabalitang engagement nina Shalani at Romulo.

“Walang reaction, ang sabi lang ‘I was not aware’," dagdag ni Lacierda. “Basta ang sinabi niya, I was not aware that they were engaged."

Sinabi ni Lacierda na natutuwa naman daw ang pangulo sa pinakabagong pangyayari sa buhay ng dati nitong nobya na isa na ring TV host ngayon.

“Of course he is happy. Why won’t he be happy?," pahayag ng tagapagsalita ni Aquino.

Umabot rin ng halos dalawang taon ang relasyon nina Aquino, 51-anyos at Shalani, 31-anyos, na nagtapos noong Oktubre 2010, ilang buwan matapos manalong pangulo ang una.

Nitong Miyerkules, kinumpirma ni Romulo, 44-anyos, anak ni dating Foreign Affairs Secretary Alberto Romulo, na engaged na sila ni Shalani at posibleng ikasal sa unang bahagi ng 2012.

Mula nang matapos ang relasyon kay Shalani, naugnay sa iba’t ibang babae ang binatang pangulo. Kabilang sa mga naugnay sa kanya ay ang stylist na si Liz Uy, stock broker na si Len Lopez, at teacher na si Bunny Calica. Sa kanyang pagbisita sa China kamakailan, inihalintulad ni Aquino sa soft drink ang kanyang love life na mula sa “regular," naging “light," at tuluyang naging “zero." -- GMA News

Willie, nagdiriwang ng Independence Day kasama ang mga staff sa Macau 名主持人威利與工作人員在澳門慶祝「獨立」

TINUPAD ni Willie Revillame ang pangako sa kanyang mga staff ng Wil Time Bigtime na ibabakasyon niya ang mga ito sa Macau sakay sa kanyang bagong biling eroplano.

Binanggit niya ito minsan sa kanyang programa at lumipad sila nu’ng Linggo sa kanyang WilFly plane.

Dalawang batch ito dahil sobrang dami nila, kaya inaayos niya ang isa pang schedule ng biyahe para sa susunod na grupo ng mga tauhan na isasama niya sa bakasyon.

“Lahat, gusto ko silang ibakasyon, pati mga karpintero dahil lahat sila, may naitulong para maging successful ang show,” pahayag ng kontrobersyal na TV host.

Isa ito sa selebrasyon niya dahil Independence Day niya nu’ng September 11.

Habang inaalala ng Amerika ang 9/11 tragedy sa World Trade Center, Independence Day iyun ni Willie dahil iyun ang araw na natapos ang kontrata niya sa ABS-CBN 2.

Wala na siyang problema sa dati niyang TV network. Kasabay nito ay na-dismiss na rin ang mga kasong isinampa sa kanya ng ABS-CBN 2.

“Hindi naman ‘yung i-celebrate ko talaga. Syempre, nalulungkot din ako. Pero mas nagpapasalamat ako ngayon dahil nandiyan ang TV5 na iba talaga ang alaga at pagmamalakasakit nila sa akin at sa show namin,” lahad ni Willie.

Hindi ipinagkait ni Willie ang blessings na dumarating sa kanya, kaya ibinahagi niya ang mga ito sa mga tauhan niya, lalo na iyung mga kasamahan niya sa Wowowee na sumama sa kanya nang umalis siya sa Dos.

Ang dami palang nagsamahan sa kanya mula sa Business Unit head, EP hanggang sa mga labandera at plantsadora ng mga costume nila.

Lahat iyun ay kinuha ni Willie kahit wala siyang naipangakong magkano ang ibibigay niyang suweldo.

Nakausap namin ang ilan sa mga staff na nakasama niya at sinabi nilang hindi nila iniisip kung makapagtrabaho ba sila o magkakaroon ba sila ng show sa lilipatan ni Willie.

Basta, gusto lang nilang sumama sa naturang TV host dahil nakita nila ang malasakit nito sa kanilang lahat.

Kaya sinuwerte naman at maganda na ang kalagayan nila sa TV 5. Ini-enjoy na nila ang mga biyayang dumarating sa kanila.

Sabi ni Willie, hindi puwedeng siya lang ang magtamasa ng mga biyayang dumarating sa kanya, kundi dapat lahat ay mabahaginan.

Isa na rito ang pagbigay ng bakasyon sa lahat na mga nakatrabaho niya.

Hindi na rin muna nagbigay ng komento si Willie sa napapabalitang paglipat ni Mariel Rodriguez sa TV5.

Makahulugan ang mga sagot ng asawa ni Robin Padilla, lalo na’t kapansin-pansing parang wala itong gana sa kanyang hosting sa Happy Yipee Yehey.

Ang pagkakaalam namin, hindi lang si Mariel ang nagpaparating ng feelers na lumipat sa TV 5 kundi pati si Valerie Concepcion.

Pati si Pokwang ay tapos na rin ang kontrata sa ABS-CBN 2 kaya marami rin ang naintriga sa palitan ng tweet nila ni Mariel.

Nakakaintriga ang palitan ng tweet nina Mariel at Pokwang nu’ng September 7 kung saan tinanong ni Pokwang si Mariel kung saan ito pupunta.

Sinagot naman ni Mariel na hindi ito kalayuan kaya lang matrapik, “pero okay lang basta masaya,” bahagi ng tweet ni Mariel na niyaya pa niya si Pokwang kung type nitong sumama.

Nag-tweet si Pokwang kung itong lugar daw ba ay may mga red car na naghihintay sa gate.

Obvious na TV5 ang tinutukoy nito dahil pula ang kulay ng service car nila.

Hindi sinasabi ni Willie kung welcome ba si Mariel sa Wil Time Bigtime pero posibleng maging co-host niya ito sakaling matuloy ang pag­lipat ng TV host/actress.

Sakaling matuloy rin sina Valerie at Pokwang, makakasama rin kaya sila sa Wil Time at ang ending eh parang naibalik ang dating Wowowee?

Abangan!

Sina PNoy at Iza Calsado na nga ba? 總統與女星卡莎朵拍拖？

MANILA – Natsitsismis ngayon si Pangulong Benigno Aquino sa aktres na si Iza Calzado at nagkita pa umano ang dalawa sa birthday bash ni singer Ogie Alcasid.

Kung gaano kabilis kumalat ang balita ukol sa dalawa ay ganoon rin kabilis ang pagtanggi ng manager ni Iza at sinabing walang relasyon ang dalawa at nagkakilala lamang sa birthday ni Ogie.

Si Ogie ay kilalang supporter ng Pangulo.

Naunang inihalintulad ni Aquino ang kanyang love life sa isang soft drink – mula sa pagiging regular…naging light at ngayon ay zero.

Matapos na manalo sa halalan ay tinapos naman nina Aquino at Valenzuela City Councilor Shalani Soledad ang kanilang matagal ng relasyon sa hindi pa mabatid na kadahilan.

Ngunit ayon sa mga sources ay isa si Kris Aquino, ang utol ng Pangulo, sa mga dahilan nito. Madalas umanong pakialaman ng aktres ang love life ni Aquino.

Na-ugnay rin si Aquino sa kanyang stylist na si Liz Uy, ngunit hindi naman ito type ng celebrity at wala rin naging relasyon ang dalawa bagama’t botong-boto si Kris sa magandang si Liz na kanyang rin stylist.

Maging kay dating child star at ngayon ay TV reporter na si Patricia Roque ay na-link rin si Aquino, subalit wala rin itong pinatunguhan, gayun rin kay stock broker Len Lopez, Barbie Palagos at sa huling naka-date ni Aquino na si Bunny Calica. (Kabayan Weekly PH)

German Moreno, ‘di naniniwalang balik-casino na naman si Nora Aunor! 諾拉奧諾去賭場？ 好友莫雷諾駁斥

TO SEE IS to believe!” Ito ang winika ng Master Showman himself na si Kuya Germs Moreno sa kumakalat na tsismis na nakita raw na nagka-casino ang nag-iisang Superstar na si Nora Aunor kasama si John Rendez.

Ayon kay Kuya Germs, kung sino man daw ang nagtsi-tsismis na balik-casino si Ate Guy ay magpakita sa kanya ng pruweba katulad ng picture at video at doon lang daw siya maniniwala na nagka-casino nga ang kanyang ‘Ni’ (tawagan nila ni Ate Guy).

Pakiusap nito na ‘wag naman daw intrigahin si Ate Guy dahil ilang buwan lamang daw ang ilalagi nito sa bansa ay after ng kanyang mga commitments dito ay babalik na ito sa Amerika. Kaya naman ang hamon ni Kuya Germs ay maglabas ng litrato man lamang ang mga taong umiintrigang nagka-casino ang Superstar bilang ebidensiya at doon lamang siya maniniwala.

$50,000 pinag-iipunan ni Nora Aunor para sa operasyon sa U.S 諾拉奧諾在美重建聲帶 手術費五萬美金

Hangad umano ni Superstar Nora Aunor na makaipon ng $50,000 para sa kinakailangang operasyon sa kanyang vocal chords.

Kung maaalala, tatlong buwan lamang mananatili sa Pilipinas si Nora dahil desidido raw itong muling maisaayos ang kanyang boses sa pamamagitan ng isang operasyon sa labas ng bansa.

Sinasabing naapektuhan ang vocal chords ng singer/actress kasunod ng kanyang huling operasyon sa abroad.

Kasabay nito, itinanggi ni "Ate Guy" na P7 million ang kanyang talent fee sa Kapatid network subalit ayaw ding sabihin kung magkano.

Samantala, bakas pa rin sa mukha ng Superstar ang kasiyahan matapos makita ang mga guwapong apo nito.

Aniya, "mama guy" ang tawag sa kanya ng mga ito dahil ayaw niyang magpatawag ng "lola."

Nabatid na nagkita-kita na kamakalawa si Aunor at ang mga anak niyang sina Ian, Lotlot, Matet, Kenneth, at Kiko sa isang five-star hotel sa Ortigas.

Kris Aquino at Makati Mayor Junjun Binay, friends na ulit? 艾奎諾之妹與瑪卡蒂市長重修舊好?

MAGKAIBIGAN na raw uli ang presidential sister na si Kris Aquino at si Makati Mayor Junjun Binay.

 Tila ang bilis ngang magbago ng ihip ng hangin dahil kailan lang nang dineklara ni kristeta na mas mabuting hindi na muna sila magkita ni Mayor Junjun matapos ang mga nagbabagang isyu sa kanilang dalawa.

 Na-sighting nga ang dalawa na seatmate sa ginanap na State of the Nation Address ni PNOY.

 Tinanong daw ng ate niya ang butihing mayor kung gusto ba nitong magtabi sila para peace na at yun na nga ang nangyari.

 Umaasa naman si Krizzy na sana ay lubayan na sila ng mga intriga ngayong balik-friendship na uli sila.

Dolphy, mas maayos ang kalusugan 資深諧星多菲健康無恙

Mas masiglang Dolphy ang masayang nagdiwang ng kanyang ika-83 kaarawan kanina sa Marina, Parañaque.

Itinaguyod ang simpleng selebrasyon ng partner niyang si Zsa-Zsa Padilla, mga anak, hanggang apo sa tuhod.

Kumpara noong bagong taon kung kailan halos round-the-clock ang oxygen support ni Pidol, naaalis na niya ito tuwing kada dalawang oras. Ang good news, ilang linggo na lang, ganap nang aalisin ang kanyang oxygen tank.

Pahayag ni Dolphy, “At least nag-i-improve ako.”

“Halata naman e, tingnan niyo dito o, lumulusog na e,” dagdag naman ni Zsa-Zsa na nakaturo sa tiyan ni Pidol.

“Bumalik na naman 'yung kutis natin, medyo gumanda-ganda. Dati talagang bangkay na e,” biro pa ni Dolphy.

“Maraming-maraming salamat sa lahat ng nagdarasal para kay Dolphy,” pinarating naman ni Zsa-Zsa sa publiko.

Natawa si Dolphy na may sarili siyang SONA ngayon.

Hiling niyang lumabas na rin ang katotohanan sa yumao niyang kaibigang si FPJ.

Pakiusap nga niya, “Dapat naging presidente talaga ‘yon e. Kaya Garci, lumabas ka na. Please naman. Nasa iyo ang susi e.”

Kasabay nito, umapela ang hari ng komedya na huwag munang batikusin si PNoy na halos kakaupo pa lang.

“Pagbigyan natin. Nag-aapura tayo e. Iisang taon pa lang naman. Siyam na taon tayong medyo tagilid,” aniya.

Pero sa mga ispesyal na sandaling ito, ganap ang kaligayahan ni Dolphy dahil kapiling niya ang mga mahal sa buhay, kabilang ang isa sa mga paborito niyang apo na si Vito Quizon, anak ni Vandolph.

Pinakita ng bata na ipagpapatuloy niya ang kislap ng pamilya Quizon.

Royette Padilla Tiklo Sa Pambubugbog 前演員帕迪拉毆妻遭逮捕

Inaresto ng mga awtoridad ang dating actor na si Royette Padilla matapos itong ireklamo ng kaniyang misis ng pambubugbog sa loob ng V-8 bar sa Clark Freeport Zone sa Angeles City, Pampanga kahapon ng madaling-araw.

Sa police report na nakarating kahapon sa Camp Crame, si Padilla, 49, utol ni Robin Padilla, ay inaresto habang nagmamaneho ng kaniyang Nissan Safari ng pinagsanib na elemento ng Clark Development Corp. security personnel at Angeles City PNP sa main gate ng Freeport habang kasama ang 5-anyos nitong anak na lalaki.

Ayon kay P/Chief Insp. Luisito Tan, hepe ng police station 4, si Royette ay nahaharap din sa kasong homicide noong 1999 sa Angeles City at may standing warrant of arrest na inisyu ng korte.

Nabatid na nagtungo ang mag-asawa sa nasabing bar kasama ang kanilang anak na nagdaos ng kaarawan.

Nang malasing na ay sinabi ng kanyang misis na umuwi na sila sa Redwood Villas sa Clark na ikinagalit ni Royette kung saan pinagsisigawan siya nito.

Tumayo naman sa kaniyang upuan ang misis at akmang lalabas na ng bar nang hilahin sa braso ni Royette at pagsasampalin, itulak sa sulok ng bar saka pagsusuntukin hanggang sa halos hindi na makagulapay ang babae.

Matapos ang 30-minuto ay umalis na rin si Padilla sa bar kasama ang anak nito pero hinarang ito ng mga ele­mento ng pulisya sa Clark’s main gate.

“We wanted the mattered to be resolved before daybreak since there was an Asean golf tourmanent scheduled at Clark and the conflict was at Clark’s main gate,” pahayag ni Tan.

Tinanggihan si Ellen DeGeneres: Naging totoo lang ako!—Jinkee 巴喬之妻謝絕美脫口秀邀約

Marami ang nanghihina­yang na hindi pinaunlakan ng misis ni 8-Division World Champion Manny Pacquiao na si Jinkee ang guesting sa sikat na US talk show na “Ellen DeGeneres.”

Katuwiran ni Jinkee, “Kasi live, sabi ko, ayoko ‘yung live. Kasi, first time kong  magge-guest sa America, sa CBS pa, tapos live.”

Dagdag pa niya, “Tapos siyempre, English ‘yun, so baka mag-nosebleed ako. Hindi ako fluent sa English, inaamin ko naman ‘yun.”

 “Nanghihinayang din ako pero naiintindihan naman ni­la. Basta naging totoo lang naman ako na baka ano ‘yung masabi ko, ayokong magkamali,” sey niya.

Para sa amin, tama lang ang ginawa niya. Pero mas okey kung kalilimutan na niya ang showbiz at hayaan na lang ang mister niya rito.

Sa mga bayarang press naman na nambibilog sa ulo ni Jinkee na nagsasabing pantasya siya ng mga kalalakihan at may “K” mag-showbiz, tumigil na kayo, hindi utu-uto ang misis ni Pacman!

Jackie Rice, Nagdalawang-Isip Na Tanggapin Ang Sisid 萊絲接新戲 苦練潛水

  Hindi kinaila ng sexy aktres na si Jackie Rice na nagdalawang-isip siya bago tanggapin ang role ng bagong afternoon soap na Sisid. 

  Ayon sa ulat ni entertainment reporter Lhar Santiago, kinuwento ni Jackie na talagang hindi siya marunong sumisid dahil hindi siya marunong lumangoy at kaya nag-alangan siyang tanggapin ito.

  Pero dahil sa kasama sa trabaho ang ganitong proyekto, nag-aaral ngayon ang aktres na lumangoy at sumisid. Tuwang-tuwa naman si Jackie sa suporta na ibinibigay ng kanyang mga katrabaho, lalo na ang kanyang leading men na si Dominoc Roco at JC Tiuseco.  Sinabi din ng sexy aktres na ibang Jackie Rice ang masisilayan nila sa Sisid.  Pero sa kabila ng kasiyahan at sa magandang takbo ng career, nagpahayag naman ng kalungkutan si Jackie sa kanyang kapwa StarStruck na si Iwa Moto.  Alam na raw niya ang mga balita tungkol sa problemang kinakaharap ni Iwa na may kinalaman ang dati nitong kasintahan na si Mikey Ablan.  Naniniwala ang sexy aktres na malalagpasan din ni Iwa ang mga pagsubok na dumarating sa kanyang buhay.

Kim Chiu, Walang Binago Sa Aking Ilong At Dibdib 金釗否認整型

Ang grand winner ng “Pinoy Big Brother Teen” na si Kim Chiu sa tindig at sa ganda ng pagdadala ng pananamit ay talagang dalagang-dalaga na ang dating

Ipinagdiwang ng aktres ang kanyang ika-21 kaarawan, kasama ang mga naulilang bata mula sa Grace To Be Born Orphanage bilang pasasalamat sa mga blessings na kanyang natatanggap.

Sinundan pa ito ng isang magarbong party na ginanap sa New York na ginastusan ni Piolo Pascual ng $5,000 "Regalo ni ito ni Papa P, kaming lahat, so masaya naman kami," banggit ni Kim.

Marami ang nakakapuna ngayon sa itsura ng dalaga, meron naglalabasang intriga na tungkol sa isyung pagpaparetoke umano niya ng ilong at pagpapadagdag ng dibdib.

"Wala naman po, 'Bakit? Bawal po bang mag-mature?' Itong ilong ko... gumagalaw pa naman sila," ang sabay tawa ni Kim.

"Kung gusto naman nila, patutunayan ko sa kanila... Wala naman talagang ganu'ng pagbabago eh."

Madalas nalulungkot ang teen star sa mga naglalabasang isyu tungkol sa kanyang itsura.

Noon kasi lagi siyang pinag-uusapan dahil sa walang hubog ang kanyang katawan sa sobrang kapayatan.

Para raw sa kanya hindi dapat ito dinidibdib kasi nga naniniwala siyang mas mahalaga ang inner beauty.

"Para sa akin hindi naman talaga dapat panlabas lang 'yung kagandahan mo, kasi nga sa 'kin 'pag mabait ka maganda ka na,"