Azkals, Balik Training Sa Agosto Para Sa Taiwan Tournament Sa Setyembre 足球國家隊為九月台灣行展開特訓

Sa kabila ng kabiguang makausad sa next round ng World Cup qualifiers, hindi nangangahulugang tapos na ang laro ng Philippine football team Azkals. 

Ayon kay national team head coach Michael Weiss, pansamantala ay magkakaroon muna sila ng pahinga dahil sa sakripisyong inilaan ng mga Azkals. 

Pero pagkatapos nito ay balik na agad sila sa training sa huling linggo ng buwan ng Agosto para paghandaan ang tournament sa Taiwan sa buwan ng Setyembre. 

Matapos nito ay ang isang buwang intensive training para sa SEA Games kasama ang under-23 team at  ilang bagong players. 

Ngunit ang matinding pinaghahandaan ng Azkals ay ang 2015 AFC challenge Cup kung saan ang mananalo ay didiretso sa Asian Cup sa Australia.